- Hvar eru öll þín æskuár?
Ég týndi þeim á sjónum.
- Hvar fékkst þú þín svörtu sár?
Ég fékk þau á sjónum.
- Þér líður þá í landi skár?
Mér líður best á sjónum.
- En því þá þessi tregatár?
Ég týndi báðum skónum.

Æ elsku vinur veistu hvað
vertu ekki neitt að gráta það
Því lífsins götur okkur alla leiða á villuveg
í veröld sem í raun og veru er bara alveg yndisleg

 
Þú fékkst ansi þungan dóm.
- Þrautarlífs um göngu.
Og um það gekkst í engum skóm.
- En ég stóð samt í ströngu:
Allt sem áttir bara hjóm.
- Allt horfið fyrir löngu.
Og tilvera þín alveg tóm.
- Og tómið fullt af öngvu.

Æ elsku vinur veistu hvað
vertu ekki neitt að gráta það
Því lífsins götur okkur alla leiða á villuveg
í veröld sem í raun og veru er bara alveg yndisleg

 
Þetta líf er heldur þreytt.
- Þú varðst strax að róna.
Eitt getur af öðru leitt.
- En þú varðst strax að róna.
Um það fæ ég engu breytt.
- Nei enginn breytir róna.
Þá er ðeins eftir eitt.
- Að finna á þig skóna.