Пра каханне не пішы - не паверу я.
Мне вось тут ужо нутро тваё цёмнае!
Лепш паслухай: тут з лаўсанам матэрыя.
Калі хочаш, я куплю, - рэч цудоўная.

Я гарэлкі шчэ не піў, ну ні чарачкі.
Эканомлю і не ем нават супу я.
Лепш куплю я табе кофтачак парачку,
Бо кахаю я цябе, мая глупая.

У балеце быў - хлапцы дзевак лапаюць.
Дзеўкі ўсе, як адна, у белых тапачках.
Вось пішу, а слёзы душаць і капаюць.
Не давай сябе хапаць, мая лапачка!

Наш бугай сярод першых на выстаўцы.
А крычалі, што нібыта бракованы.
Ды ачомаліся ўсё ж, прыз далі ў канцы.
Ён ляжыць у медалях, запакованы.

А дырэктару скажы, хату каб маю
Крылі зараз жа і траўку хай выкасюць.
А не то я цёлак крыць не падумаю.
Рэкардсмена мне псаваць - хвігу выкусяць!

Хай паправяць свіран наш - каб не гніць аўсу.
Пашку морду натаўку - будзе грэх на мне.
З аграномам не гуляй - шлунне вытрасу!
Можаш пару раз прайсціся з дырэктарам.

З ГУМа зараз я вярнуўся з пакупкамі.
Гэта як у нас лабаз, толькі з вокнамі.
Ты ж дык можаш надакучыць, галубка, мне
У сукеначцы з узорамі жоўклымі.

P.S.
Тут стаіць культурны парк па-над рэчкаю.
Ў ём гуляю - і плюю толькі ў вурны я.
Але што ты там уцяміш, за печкаю!
Ты ж зусім цемната некультурная.