Iqor Koxanovskiyo
Dostum gedir Maqadana -
Gülür üzü-gözü, gedir.
Yox! Yozmayın ayrı yana;
Özü gedir! Özü gedir!

Nə açığa-zada düşüb,
Nə bəxtindən küsüb gedir.
Eh, Maqadan yada düşüb:
Özü gedir! Özü gedir!

Kimsə dedi birdən çaşıb:
"inadmdan əl çək, qoçaq! -
Maqadanda addım başı
At oynadır quldur-qaçaq..."

"Sən dediyin qaçaq-quldur
Moskvada daha boldur!" -
Deyib onu qorxudana
Çıxıb gedir Maqadana.

Amma özüm... Niyə danım? -
Niyə girim başqa dona? -
Qorxumdanca vallah, canım,
Mən getmərəm Maqadana.

(Eh, bəlkə də dostum ilə
Çıxıb getsəm Maqadana,
Yatan bəxtim üzə gülər -
Duyğularım gələr cana).

Onu ora salıb yola
Sözdən çələng toxuyaram.
Asta-asta, bala-bala.
Maqadandan oxuyuram.

Nəyə görə gözüm dolsun? -
Gülür üzü-gözü, gedir.
Uğur olsun! Uğur olsun! -
Özü gedir, özü gedir.