Bu gün qonaq gəlmişdi mənə ilham pərisi.
Bircə hovur dayanıb, tələsik çıxıb getdi.
Özümə yer tapmıram - başıma vurub hirsim;
Məni ilhamsız qoydu, evimi yıxıb getdi.

Gedişinin sirrini nolardı, başa salsa?
Bircə kəlmə söz ilə yəni dünya qopacaq?
Bəlkə də qorxubdu ki, gecə yanımda qalsa
Camaat səhər-səhər onu mənə yapacaq?!

Bəs, onun adı deyil gəzən ağızda, dildə?
Yox! Heç kəsin qəlbini mənimkitək sıxmayıb;
Aylarla yatıb qalıb o, şair Blokgildə, -
Puşkininsə evindən bayıra da çıxmayıb.

Dayan görüm, gəlirmi misralarm gerisi? -
Özün mənə kömək ol, özün mənə, Allahım.
E-eh! İlham yoxdu da! - gedib ilham pərisi.
Görəsən, nədən küsüb? Nədir, axı, günahım?!

Bir azca dil tapsaydım o zalımm qızıyla -
Vallah, qorxu salardım çoxlarmın canma!
Görünür, oynamadım o pərinin nazıyla;
O da ki, küsüb getdi başqasmm yanına.

Əşi, çarə tapmıram. Əlacım nədi, axı? -
Biryolluq soyusunmu aramız, qonşularla?!
İlham pərisi üçün saxladığım konyakı,
Dünən içib qurtardım yaramaz qonşularla...

...Az qalır ki, ürəyim qəmdən yanıb-yaxıla,
Özü çıxıb getsə də məni dərdə salıbdır.
Yox, yox! Acıq vermək də olar neçə paxıla.
Çünki ondan yadigar bir cüt misra qalıbdır.

O misralar od alıb ürəyimin odundan;
Dahiyanə demişəm ey, dahiyanə! - Anla, qan.
"Eh, hələ də yadımdadı, eh, hələ də yadımda -
Sən qarşıma çıxdığın o ilahi, gözəl an".