Əvvəlcədən qurublarmış taxtanı -
Çatan kimi əyləşmişik üz-üzə.
Şəkilçəkən yaxşı məqam axtarır,
Jurnalistsə - sual verir hey bizə.

Vallah, məni düşündürmür şəkil-zad;
Balam, mənim jurnalistlə nə işim?!
Əşi, oyun başlayacaq bu saat -
Nə olacaq bəs birinci gedişim?!
 

Püşkü udub Fişer güldü. Gülər də!
(O, ağlarla oynamaqda ustadır).
Daşı çıxdı e 2-dən e 4-ə...
Gözü - məndə, qulağı da səsdədir.

Seva! Qardaş, hayandasan sən, axı?
Göylərimi qara bulud alıbdır.
Nə oynayım?.. Xatmmda bir-şahin,
Bir də - atm gedişləri qalıbdır.
 

Zavoddakı dostum düşdü yadıma;
Keçdiyi dərs kara gəldi, doğrudan...
Əsə-əsə təpinsəm də atıma -
Təzə gediş kəşf elədim qorxudan.

 
 
 
 
 

İndi tez-tez xatırlayıb aşbazı
Dönə-dönə yoxlayıram vaxtı da.
Qədəh olsa qaralarm peşkası
Hər şey çoxdan həll olmuşdu taxtada.

Hey oynadır əlindəki çəngəli,
Yox, udmasam, Fişer udar ferzi də!..
Araq ola, yanında da xəngəli;
Içmək ola nola, oyun ərzində.

Qayğanaqdır gələn gündən yeməyim;
Qarnım "qur-qur" quruldayır acından.
Qorxuram ki, daşı-maşı görməyim, -
Əlim çıxa şahmatın da tacından.
 

...Bcyqafıldan əle alıb oyunu
Dayanmadan haray saldım "şahaşah".
Gəlin, süzün, di Fişerin toyunu,
Gəlin, burda kefə baxın, siz Allah'.

Yerə-göyə sığışmırdı tərifi...
Nə dinməyə, nə gəzməyə halı var.
Yox, yazıqdır, çox sıxmayım hərifi! -
Hələ tezdir, oyunların dalı var.
 

... İndi də mən kirimişcə durmuşam, -
İndi də mən aşammıram həddimi.
Hindsayağı müdafiə qurmuşam;
Pakistantək hey dağıdır səddimi.

Zərər yoxdur, o - Fişerdir, mən də - mən!
Əgər məni hədələsə mat ilə
Həmin anda onu salıb fəndə mən -
Təpəsini yaracağam at ilə.
 

Anlamışam günahımı, suçumu;
Bəsd ir daha! Sohv buraxmaq bəs olar.
Gərək bir az gücləndirim hücumu;
Cəhd eləsəm, peşkam dönüb ferz olar.

Fit çalaraq qarışdırır başımı,
Güləndə də - az qalır ki, keçinə...
Eh, görməyib ikipudluq daşımı -
Bələd deyil qollarımın gücünə.
 

Gördüm ki, yox, uda bilər oyunu:
"Sənmi mənə şah verirsən, şah!" - dedim.
Tez-tələsik peneəyimi soyunub -
"Di bəri bax, qalx ayağa! Qalx!"- dedim.

Elə ki, mən ona sarı yeridim,
Salon boyu hamı susdu, kiridi...
Soruşdum ki: "Necə dedin sən, necə?"
Ə, bu Fişer lap qorxağın biridir;
"Qardaş - dedi, - heç-heçədir, heç-heçə..."