Akukhathaliseki ukuba usisikhonkwane okanye isando
Akukhathaliseki ukuba impangelo yakho iyaphelelwa
Akukhathaliseki ukuba wake walibanjwa iminyaka entolongweni
Wena nje bulela ukuba usaphila!

Ayithethi nto eyokubhubha komhlobo obewudlala naye amkhadi
Ayithethi nto eyesithandwa sakho esikuxelele ukuxoki
Ayithethi nto eyokuba bonke bakuphoxile bakwenza isidenge
Wena nje bulela ukuba usaphila

 
 
 
 

Uze ungadakumbiswa zintlungu zomvandedwa
Uze ungadakumbiswa kukuba ukhabe indlu yeenyosi
Uze ungadakumbiswa kukufa isiqaqa esibhedlele
Wena nje bulela ukuba usaphila!

Akunani noba uzifumana uhleli bhaxa elutulini
Akunani noba amashwa ayazenzela de akongamele
Akunani noba ezakho iingxwaki zigqithisile
Wena nje bulela ukuba usaphila!

 
 
 
 

Yinyaniso ukuba kufanele ngojongane neziphoso zam
Yinyaniso ukuba ndim oyikhethayo indlela endiqhuba kuyo
Ewe kakade, yinyaniso emsulwa! kodwa umphefumlo wam onxungupheleyo uyamangala
Ngubani kanye lo kufanele ndimbulele ngokuba nje ndisaphila?