Akusho lutho ukuthi uyisipikili noma uyisando
Akusho lutho ukuthi umsebenzi owenzayo uyaphelelwa
Akusho lutho ukuthi wake wachitha iminyaka ejele
Wena nje bonga ukuthi usaphila!

Pho kunani ukuthi umngani odlala nawe amakhadi ushonile?
Pho kunani uma isithandwa sakho sikuqambele amanga?
Pho unandabani ukuthi bakuphoxile bakwenza isilima?
Wena bonga nje ukuthi usaphila!

 
 
 
 

Ungakhathazeki uma ubhuqwa umzwangedwa
Ungakhathazeki uma ukhahlele indlu yezinyosi
Ungakhathazwa ukuthi usulele isihlwathi esibhedlele
Wena bonga nje ukuthi usaphila!

Akulutho noma sekushabalele usuhlezi dekle othulini
Akulutho noma izinkinga zikhula zidlondlobala
Akulutho noma okwakho kukukhulu ngokweqile
Wena bonga nge ukuthi usaphila!

 
 
 
 

Kuyiqiniso ukuthi kumele ngibhekane namaphutha ami
Kuyiqiniso ukuthi imina okhetha indlela engishayela kuyo
Impela, kuyiqiniso! kepha umoya wami okhathazekile uyamangala:
Ngubani yena lo ekumele ngimbonge ngokuthi nje ngisaphila?