დიდი ამბავი - თუ ჩხუბობ ცოლთან, რა მოხდა - თუ გაქვს ქაოსი თავში. გაგძარცვეს? - ესეც არ არის ცოდვა, - მადლობა თქვი, რომ ცოცხალი დარჩი! მერე რა - თუკი გტანჯავს სარკომა, მერე რა - თუ ხარ დღედაღამ მთვრალი, თუ გიპინტრიშეს სახლიდან უკვე, - მადლობა თქვი, რომ დარჩი ცოცხალი!         რაა - პარტნიორს მიაკვდა ძაღლი, თუ მოჩვენებებს ხედავ სიზმარში, სოფიაში რომ გამტვრიეს კბილი, მადლობა თქვი, რომ ცოცხალი დარჩი! რაა - ნახერხში თუ ჩაგეძინა, ჯანდაბას - წიხლი რომ გგლიჯეს ყბაში და გაგიტანეს საკაცით გარეთ, - მადლობა თქვი, რომ ცოცხალი დარჩი!                 სიმართლეა და არ უნდა ფიცი, დამნაშავე რომ შენა ხარ მარტო. ჰო, მართალია, მე კი არ ვიცი, ცოცხალი რომ ვარ, ვის დავუმადლო!        
თინა შიოშვილმა. თარგმანი, 2005