ვიცი, ჩემი საცოლე დამიტირებს გზნებით, ჩემს მაგივრად ბიჭები გადიხდიან ვალებს; ჩემს სიმღერებს ბოლომდე იმღერებენ სხვები და, ეგების, მტერიც კი შესანდობარს დალევს. აღარავინ მთავაზობს საოცნებო წიგნებს, გიტარასაც სიმები დასწყვეტია სრულად; ზევითაც და ქვევითაც ყველა თითებს მიქნევს, მზე და მთვარე რა არის - ისიც აკრძალულია. ჩემთვის თავისუფლება მხოლოდ უცხო ხილია, კარებიდან კედლამდე ბოლთას უნდა დავჯერდე; მარჯვნივაც და მარცხნივაც გზები ჩაკეტელია, ღამით სიზმრის ნება მაქვს, დღისით - ზეცის ნაგლეჯის. ვწვები, სიზმრებს ვნახულობ, ბოქლომს როგორ ახსნიან, როგორ გავალ, გიტარას გადმომცემენ თავისით; ან იქ ვინ შემომხვდება, როგორ ჩამეკვრებიან, ანდა როგორ სიმღერებს მიმღერებენ ხალისით...
თინა შიოშვილმა. თარგმანი, 2005