Эгер дос негедир болсо бош
Дос эмес, кас эмес бир неме.
Эгер көрүп тааныбасаң
Анын жаман же жакшысын.

Жигитти тоодон көр - барып көр,
Таштаба, жалгыз калтырба.
Бир жипке байланган сени менен
Ошондо билесиң ким экенин.

Эгер тоодон аның багынып,
Калтаарып, ылдый кетсе качып,
Мөңгүдөн калтырап, шалпыйып
Тайып кетсе - ообу жок кыйкырык.

Жат адам анда жаныңда.
Сен аны кубала, урушпа.
Бийикке буларды алышпайт,
Буларга ыр арнап ырдашпайт.

А эгер наалыбай, ыйлабай,
Үңүрөй өжөрлөп, өргөлөп.
Тайганда капыстан аскадан
Тиштенип коё бербей кармаган.

Катарлаш майданга баргандай,
Чокуда ал турса бараандай
Анда сен өзүңө ишенсен
Ушундай досуңа ишенгин.