Шаардын чуусуна, унаалар тыгынга
Кайтабыз - барчу жерибиз жок анткени!
Багынткан чокудан түшөбүз ылдыйга,
Тоолорго жүрөктөр ташталып кеткендей.

Койгун эми, ташта дайыны жок талашты!
Бардыгын өзүмө мен эми түшүндүм -
Тоолор гана болоор тоолордон жакшы,
Багынта элек турат сени күтүшүп.

Көөнү тартпай ким кетип калчу эле?
Жамандыкта ким жалгыз калгысы келет? -
Багынткан чокудан төмөн барчу элек,
Арга канча, жараткан да кээде жерге түшөт.

Койгун эми, ташта дайыны жок талашты!
Бардыгын өзүмө мен эми түшүндүм -
Тоолор гана болоор тоолордон жакшы,
Багынта элек турат сени күтүшүп.

Канча сөз, канча үмүт, канча ыр, темалар
Жаралат тоолордо, калгын деп чакырат.
Ылдыйга түшөбүз - түбөлүк, бир жылга,
Анткени өз жерге адам дайыма кайтат.

Койгун эми, ташта дайыны жок талашты!
Бардыгын өзүмө мен эми түшүндүм -
Тоолор гана болоор тоолордон жакшы,
Багынта элек турат сени күтүшүп.