Йорттагы һәм кыргый хайваннарда
Кеше төсе, исе-хисе бар.
Ә гел йөрү арткы аякларда -
Адәмнәргә калган язмыш-аң.

Бүген тамашачы, әйе, тамашачы
Хайван тыючыны яратмый.
Тыючылык теләгең зурдан булса,
Опер булып эшлә - канатлан...

Бик аз гына затлы инсаннарда
Кеше төсе, исе-хисе бар.
Ә гел йөрү арткы аякларда -
Хайваннарга калган язмыш-аң.

Бүген замандашым, әйе, замандашым
Хайван тыючыны яратмый.
Тыючылык теләгең мулдан булса,
Циркач булып эшлә - канатлан!..