Модон зүймэл хуучин шал руу
Лааны тос урсана
Мөрдсөн дээрээс минь бороо
Мөнгөн утас шиг шаагина.

Алтан шаргал дарс
Давчдууланхан шуугина.
Өнгөрсөн бүхэн өнгөрч л байг,
Ирэх ёстой нь ирж л байг.

Үхлийн аюул дайрахад
Эргэн эргэн хараад
Буун дуунаар цочсон
Буга согоо зугатана.

Хэн нэгэн тэдний
Хэнхдэг цээжийг онилно.
Өнгөрсөн бүхэн өнгөрч л байг,
Ирэх ёстой нь ирж л байг.

Хар санаат, хамгийг чадагч,
Шүлэнгэтсэн нэг нь зугаагаа гаргаж
Хурцын хурц сумаа
Шингэх нар луу харваж л байг.

Эгшиг аялгууны шуурган дунд
Элдэв өнгө давхцаж байдаг аа.
Өнгөрсөн бүхэн өнгөрч л байг,
Ирэх ёстой нь ирж л байг.