Nid oes ffordd arall ond mynd yn ein holau
I ddwndwr y ddinas ac i’r ffrwd gerbydau;
Mi ddown ni i gyd i lawr o’r mynyddoedd a drechwyd;
Gadael y mynyddoedd, a’n calon yn y mynyddoedd.

Rhowch o’r neilltu’ch holl ddadleuon dibwys,
Achos mi wn yn burion erbyn hyn:
Dim ond mynyddoedd sydd yn well na mynyddoedd,
Y mynyddoedd lle na fuom erioed o’r blaen.

Pwy sy’n mynnu bod ei hun yn ei helbul?
Pwy sydd am ymadael yn groes i’r galon?
Mi ddown i gyd i lawr o’r copaon a drechwyd;
Mi ddaeth y duwiau hyd yn oed i lawr.

Rhowch o’r neilltu’ch holl ddadleuon dibwys,
Achos mi wn yn burion erbyn hyn:
Dim ond mynyddoedd sydd yn well na mynyddoedd,
Y mynyddoedd lle na fuom erioed o’r blaen.

Y geiriau, y dyheadau a’r caneuon;
Deffrodd y mynydd ni, a dweud am aros.
Ond i lawr yr awn ni, am flwyddyn neu am byth.
Oherwydd mynd yn ôl sydd raid i ni.

Rhowch o’r neilltu’ch holl ddadleuon dibwys,
Achos mi wn yn burion erbyn hyn:
Dim ond mynyddoedd sydd yn well na mynyddoedd,
Y mynyddoedd lle na fuom erioed o’r blaen.