Gant ar yenion e tec’her
Pell diouzh hon annezioù boaz
Galvet e vezomp gant kêrioù all
Marteze Minsk, marteze Brest
War-du ar yenijenn.

Un abeg a zo moarvat
A lak ac’hanomp da redek
War-du kêrioù dianav:
Plijusoc’h eo ar vuhez enno?
Un abeg a zo moarvat.

Brav eo bevañ e goudor ti-ma-bro
Ne c’heller ket mirout, avat,
Da redek bro
Ha da vont davet tud all
Evel pa c’hellfent pareañ hon foanioù

Ha daoust d’ar beajoù hir-se
Reiñ deomp laouenidigezh
E oar an nen distreiñ d’ar gêr.
E pelec’h emañ hor steredenn?
Amañ marteze, pe neuze er pelloù?