Skorn a-us din ha skorn dindanon
Petra ober: toullañ ar volz pe sankañ don?
Dont war-varr ha neuñvellat
Ha labourat en ur c’hortoz ar viza

A-us din e tarzho ar skorn ha me er-maez
O c’hweziñ e-giz un troer-douar.
Evel ma ra ar bagoù e tistroin davedout
Gant ma eñvorioù ha ma barzhonegoù.

N’on ket hanter-kant c’hoazh ha berr ma amzer
Dindan da warez ha hini hor Salver e vevan.
Ha pa vin galvet dirak an Aotrou
E kanin ma c’hanoù evit peoc’h ma ene.