Мин төлкөм хоруоппар киириэ, ииммэр тиийиэ,
Мөккүһэн сылайдым (ол кэннэ мэличээй),
Күүгэн-аллан этиһэн, өйдөтөр бүттэ,
Таах тураах хааҕыргыыр, туһа суах, иэлийи.
Киристиэс сыыһатын булбута буолаллар,
Хайыр таас тимирэн сыппатах дэһэллэр,
Татаардар Уйбааны баттаабыт үһүлэр,
Соҕотох буолбатах; ким эрэ - сүүс буол,
Татаар анныгар үс үйэ - ол сааттаах,
Үс сүүс сыллаах баттабыл - бу сүрдээх,
Үтүөлээх соруктар, өрүтэ туруулаах,
Хааннаах хапсыһыы, эниҥ сорох сыыһалаах.
Маҥнай, өйдөөн ылбат буоллунар, сорохтор -
Хаттаан этэбин, кубулҕат өйдөөхтөр,
Онуоха кыһалҕам кыччыгый кэпсиирбэр,
Барытын этэллэр күннээҕи түбүктэр.

Хааман иһэн чааскыттан ууну испэккин,
Бэркэ сэрэн - чөмөйөн, син биир испэккин,
Эбэтэр өстөөххөр сирэйгэ ыспаккин,
Ыттыйбыт да буоллун, кырдьыгы этэбин.
Төкүнүк, халтархай үктэлгэ сылдьарбар
Сэрэнэн үктүүбүн, үҥэбин сүһүөхпэр!
Чааскыбын хайыыбын?! Кыаҕым суох быраҕар
Сырдыкка быыл курдук эриллэн мөхсөммүн.
Атыҥҥа атаарыам - эргииртэн арахсыам,
Хараҥа иһиттэн - тэйиллэн тэптэриэм,
Чааскыбын доҕорбор эрэнэн ыпсарыам,
Тугунан иһэрин, мин ону билбэппин.
Эһиллэн тахсыбыт дьоннордуун бииргэбин,
Ситиһии сиппэтэх киһитин сирбэппин,
Хомуһун тылларбын доҕорбор эппэппин,
Өскөтө саҥарыам: тос мааспын ылыаҕым.

Ырбаахы устаммын мөхсөбүн эһиэхэ:
Мин туспар ким эмэ, чүмэчи уматыа,
Сыгынньах ньиэрбэм хаһыыта иһиллиэ,
Бэһиэлэй үгэбин - ким эмэ хатылыа.
Күлүмнүүр таҥаһы күүһүнэн кэтэрдиэ,
Силлиибин, ыарахан санааны баҕарыа,
Мөлтөөбүт ньиэрбэнэн ырыабын тохтотуом
Бэйэбин саҥардан, эрийэн көрдөрүөм.
Табыллан биэрбэккэ, мэнээххэ мин барыам,
Түүн-күнүс хаспыппын бурҕатан быраґыам,
Төбөбүн ырыанан быһыта эрийиэм,
Сырдыкка быыл курдук эриллэн мөхсүнүөм.

Өскөтө төлкөбөр чааскыбын иһэрдиэ,
Ырыабар тойугум олустаан кэбиһиэ.
Арай айахпар күүгэн аллан өйдөтүөм -
Өлөрбөр этиэҕим: барыта - түбүккэ.