Аан дойду халаанын уута,
Бэйэтин кытылыгар түһүүтэ,
Устан күүгэннирэр ууттан,
Чуумпу кытылга Таптал күөрэйдэ!
Халлаан күөх куйаарыгар,
Кэмин иннинэ Симэлийэн сүттэ...

Онтон кэмэ Түөрт уон түөрт уоннаах,
Ол умсулҕаны эҕирийбит,
Дьиибэ дьоннор бааллар эбээт.
Ол онтон толук ирдээбэккэ
Бэйэлэрэ да  билбэккэ,
Ыллараллар эбит таарымтаҕа!

Ол иэйиилэрэ устар ааллыы,
Олох дириҥ байҕалыгар Куөгэлдьийэ уйдарар ыйаахтаах!
Иэйиилээх тапталга билинээри,
Олоҕо суох, Салгына суох кэриэтэ!

Ити кэннэ кинилэри үгүс сүпсүлгэн кэтэһэр.
Таптал дойдута - Улуу дойду
Бэйэлэрин сүгүрүйээччилэриттэн ирдиир эбит
Арахсыыны да, тэйсиини да.
Утуйар ууну, уоскулаҥы
Умуннарар букатын.

Ол гынан төннөр суолу Ыйбат эбит,
Өйдөрүн сүтэрээччилэргэ.
Ити кэннэ Таптал туһугар Олохторун да
Кэрэйбэт турукка Ыллараллар эбиттэр!
Тапталлаахтарыныын көстүбэт
Ситими быспат туһуттан!

Мэник тыал итирдэр, иирдэр таптал талбыт дьонун!
Ардыгар хатыйар охторор, өлбүтү да тилиннэрэр.
Таптала суох, тыыммат да, олорбот да тэҥэ!
Ол эрэн тапталтан чачайбыттары, Үөгүлээн туһа суох.

 
 
Албын сурах, кураанах куолу аахсаллар эбит кинилэри кытта.
Ол буолар хааннаах  хабыр хапсыһыы!
Онтон биһи тапталтан өлбүттэр ааттарыгар,
Чумэчи уматан уурабыт!

Оччоҕо кинилэр сырдык дууһалара бииргэ буолуохтара!
Сибэккилээх хонуунан дайыахтара.
Үйэ-саас тухары
Биир тэҥник долгуйуохтара,
Өрө тыынан көрсүөхтэрэ
Олох силбэһэр үөһүгэр.

Мин таптааччыларга тэлгэтиэм этэ Киэҥ, нэлэмэн хонууну!
Таптал ырыата Ыллана туруохтун Илэ да, түүлгэ да!
Мин тыынабын - ол аата Таптыыбын!
Мин таптыыбын - ол аата Тыыннаахпын!