ГIадамазул зурзур къотIулеб гьечIо,
ГIадамазе бокьун буго ритIухълъи.
- Ниж гьаб иргаялда цере рукIана,
Нахъа рукIаралцин кваналел руго.

ДагIбадугейилан абула гьезда:
- Берцинго гьаниса нахъе ун лъикI нуж.
Дол руго дораса рачIарал чагIи,
Нуж щал кколелали бицеха гьанже.

ГIадамазул зурзур къотIулеб гьечIо,
ГIадамазе бокьун буго ритIухълъи.
- Ниж гьаб иргаялда цере рукIана,
Нахъа рукIаралцин кваналел руго.

Администратрорас бичIчIизабула,
- Берцинго гьаниса нахъе ун лъикI нуж.
Депутатал руго дора кваналел,
Нуж щал кколелали бицеха гьанже.

ГIадамазул зурзур къотIулеб гьечIо,
ГIадамазе бокьун буго ритIухълъи.
- Ниж гьаб иргаялда цере рукIана,
Нахъа рукIаралцин кваналел руго.