ܐܸܢ ܚܸܙܝܵܠܘܿܟܼ ܓܵܢܘܿܟܼ ܒܠܸܠܝܵܐ ܓܵܘ ܢܸܟܼܪܵܝܘܼܬܵܐ
ܐܸܢ ܬܘܼܪܩܸܠܘܼܟܼ ܘܐܵܢَܬ ܪܚܵܫܵܐ ܥܲܠ ܚܕܵܐ ܣܸܦܬܵܐ،
ܠܵܐ ܗܵܘܸܬ ܡܚܲܦܝܵܐ ܘܐܵܦ ܠܵܐ ܫܬܝܼܩܵܐ، ܘܡܲܩܘܸܚ ܒܸܝܝܼ
ܐܵܢܵܐ ܩܠܘܿܟܼ ܒܫܲܡܥܸܢܹܗ، ܘܒܝܵܕܥܸܢܹܗ.
ܟܒܲܪ ܥܲܡ ܚܕܵܐ ܓܘܼܠܬܵܐ ܓܵܘ ܨܲܕܪܘܼܟܼ ܫܛܝܼܚܵܐ ܝܘܸܬ ܓܵܘ ܚܲܩܠܵܐ ܕܫܸܒܠܹ̈ܐ؟
ܣܦܘܿܪ، ܐܵܢܵܐ ܡܲܠܝܘܼܙܹܐ ܝܘܸܢ ܘܠܹܐ ܝܘܸܢ ܒܸܪܥܵܫܵܐ ܒܫܲܪܫܵܝܬܵܐ ܕܐܲܩܠ̈ܝܼ
ܒܸܬ ܕܵܥܪܲܚ ܬܵܡܵܐ ܟܲܕ ܐܝܼܬ ܗܵܘܵܐ ܘܥܸܣܒܵܐ ܕܣܘܼܡܣܵܡܵܐ،
ܒܲܣ ܠܵܐ ܡܲܝܬܸܬ! ܢܵܛܪܸܬ ܠܕܸܡܘܼܟܼ ܟܡܵܐ ܕܗܵܘܝܵܐ ܒܡܨܲܝܬܘܼܟܼ.
ܐܸܢ ܣܘܼܣܵܐ ܬَܚܘܼܬܘܿܟܼ ܝܠܹܗ ܐܵܢَܬ ܡܲܛܪܹܐܠܹܗ ܘܡܛܝܼ
ܣܘܼܣܵܐ ܨܲܠܝܼܠܵܐ ܐܘܼܪܚܵܐ ܒܸܬ ܡܵܫܟ̰ܚܠܵܗܿ
ܐܲܝܟܵܐ ܕܡܲܒܘܼܥܹ̈ܐ ܕܡܝܼ̈ܐ ܚܵܝܹ̈ܐ ܝܢܵܐ
ܘܐܵܢܝܼ̈ ܒܸܬ ܒܵܣܡܝܼ ܠܨܸܠܦܘܼܟܼ
ܐܲܝܟܵܐ ܝܘܸܬ ܐܵܢَܬ ܝܵܐ ܚܲܒܼܪܝܼ؟ ܓܵܘ ܐܲܣܝܼܪܘܼܬܵܐ ܝܲܢ ܒܐܘܼܪܚܵܐ ܝܲܪܝܼܟܼܬܵܐ؟
ܥܲܠ ܦܪܵܫܬܵܐ ܘܸܚܒܼܵܛܬܵܐ ܕܐܘܼܪܚܵܐ ܝܘܸܬ؟ ܝܲܢ ܐܘܼܪܚܵܐ ܡܸܬܼܩܲܛܥܲܢܬܵܐ؟
ܟܒܲܪ ܕܝܼܘܸܬ ܬܥܝܼܫܵܐ، ܟܟ̰ܝܼܚܵܐ ܝܲܢ ܛܠܝܼܩܵܐ ܒܲܝܢܲܬ ܬܠܵܬܵܐ ܐܝܼܠܵܢܹ̈ܐ
ܗܸܝܟ ̰ ܠܹܐ ܝܠܵܗܿ ܒܡܨܲܝܬܘܿܟܼ ܕܡܲܫܟ̰ܚܸܬ ܚܕܵܐ ܐܘܼܪܚܵܐ ܐَܚܹܪَܬܵܐ ܠܸܕܥܵܪܵܐ؟
ܠܲܐܟܼܵܐ ܟܲܕ ܫܲܩܝܵܬܹ̈ܐ ܕܡܝܼܪܹ̈ܐ ܒܡܝܼ̈ܐ ܨܸܦܝܵܐ ܕܬܲܠܓܹ̈ܐ،
ܠܹܐ ܨܲܠܡܸܢܸܬ ܘܠܹܐ ܡܲܫܟ̰ܚܸܬ ܗܲܕܟܼܵܐ ܫܘܼܦܪܵܐ
ܟܠܲܝܗ̈ـܝ ܗܲܒܵܒܼܹ̈ܐ ܘܥܲܘܦܹ̈ܐ ܘܐܝܼܠܵܢܹ̈ܐ ܠܵܐ ܡܸܬܼܡܲܠܟܵܢܹ̈ܐ
ܐܸܢ ܐܲܚܢܲܢ ܒܵܥܝܲܚ ܒܸܬ ܦܵܝܫܝܼ ܕܝܼܵܢ.
ܐܸܢ ܥܲܣܩܵܐ ܒܸܪܚܫܵܐ ܝܘܸܬ ܘܗܲܠ ܒܸܪ̈ܟܵܟܘܿܟܼ ܓܵܘ ܛܝܼܢܵܐ
ܚܸܦܝܵܝܵܐ ܥܲܠ ܚܸܪܦܵܐ ܕܟܹܐܦܹ̈ܐ ܓܵܘ ܡܝܼ̈ܐ ܩܲܪܝܼܪܹ̈ܐ
ܓܵܘ ܐܲܒܼܩܵܐ ܘܦܵܘܚܵܐ ܘܬܸܢܵܐ ܚܪܝܼܚܵܐ ܒܢܘܼܪܵܐ
ܕܵܐܟܼܝ ܕܝܼܘܸܬ.. ܬܵܐ ܕܥܘܿܪ،
|