Тандаа мүнөө дуратайб,
Нюуса бэшэ, үнэн дээрээ,
Түрүүндээ, hүүлдэшье бэшэ - Элшэндэшни шатанаб
Уйлаба, хүхибэшье гансал мүнөө дуратайб,
Үнгэрhые hанахагүйб Ерээдүйе мэдэнэгүйб.

Түрүүндээ дурлаhан
Мааниин хүүр мэтэ hэн,
Байгаа hанаан даляа хухална, Шүүдэрлэнэ,
Поэдүүдэй нэгэн хэлэhэн ха юм
- Би танда дурлаа hэм, Үшөөшье дуран байжа болохол! -

Орхигдоhон, хумирhан юумые 
Зон хэлсэдэг,
- Энээндэшни гуниг бии, хайра.
Шэрээнhээ бууhан хан мэтэ
Ошоhон жэлнүүдэй - алдагдаhань хайратай
Hанал, эрмэлзэл, найдалгүй дуран.

Мүнөө шамда дуратайб,
Тэмдэг сараагүй, алдуугүй
Мүнөө минии Зуун жэл, - hудалаа таhалхагүйб!
Сагтаа, саашадаашье Үнгэрhые hанахагүйб,
Ерээдүйдэ гуниглахагүйб.

Тархиием абаг, тамараад ерэхэб,
Хүлыем гэнжэдэг, намагта тунааг,
Гансал алдуугүйгөөр хэлээрэй:
- hүүлдэшье би дуратайб,
Шамтаяа үлэхэб.

Тэрээхэн “Зээ” гэhэндэшни Гашуудал бии,
Худал бэшэг, хара hанал,
hүүлдэжэ тамииха арга бии.
Үнгэ зүhэгүй хорон Альганай оёорто,
Хоротой халуун альгандал,
”Шамда дуратайб!” - гэhэндэ,

Француз зүүдэ мананаб
Сагай баян үедэ Ерээдүйдөө бирагүйшэг,
Үнгэрhэн сагта ондоохон
“Бузарай сахада” хадаатайб,
Хэлэнэй торосодо татаатайб.

Ай, да! Хэлэнүүдэй орёо
Байдал бэшэ, хүшэр,
Гэбэшье хоюулан Гарлса аргынь бэдэрхэбди,
Шамдаал дуратайб Ямаршье хүндэ сагта
Үнгэрhэн үедэ, мүнөөшье, ерээдүйдөө.