Чили иба, ишар гьарилра секIал
ЦIали дигуб или Ванзаличирти,
ГIур гье ччехIелкьа, Ванза хIебухъар?
Юх! Ил заманалис саб шипIбяргIибси.

Ванза бигниличи чи вирхарару,
ХIейрулин дегъахъес дунъяла урхьни
Черасес Ванзала нешдеш хIейраргу,
ЦIударбарибси ил саб балагьуна.

Дяхъурбиван сари сунна къадурби,
Далъунтиван сари диркьти сагурби,
Дунъяла анцIкьи-децI сар чекасили
Дигубтиван сари сунна хIялани.

ГIуррара чекайсу халкьла гIязабти,
Биалра мабуйгIид чулахъунази.
Чили иба, Ванза далайхIебикIар,
Или даимлис къайбикибси саб!!

Юх! БучIар ил симкь тIашаили,
ХIянби ва дяхъурби кIапкадарили,
Марлира нушала рухI саби Ванза,
РухIличив ганзикIес асухIебирар.

Чис гьанбикиба Ванза бигубли или?
Юх! Ил заманалис саб шипIбяргIили.