Сен или бируси? Дунъя убвангу;
Гьалабгъуна закра, ухули хьанцIли,
ВацIала, гьавара, шинра цавангу,
ЧIянкIли ил чархIевхъун дергълизивадли.

Гьанна аргъес хIейрус чидил вархьсирил,
Муэр ва паргъатдеш дулъул жалтазив,
Аргъилра, чIянкIли ил сай наб хIейуси,
Дергълизивадли ил чархIевхъунхIели.

Гьачам гъявилзи, гIур аги гIеббурци,
Даим гьанагарси секIал гьанбурши,
АнкIала бумцIахъи, жявли алзули,
Амма дергълизивад ил даг чархIевхъун.

БацIдешличилацун ахIен гъай гьанна,
ЧIянкIли аргъилира - нуша кIел сарри...
ДягIли алкахъи цIа игусиванра,
Ил дергълизивадли чархIевхъунхIели.

Гьанна азадбухъи хIеб бакIибхIели,
ВикIулра: "Ватаба, юлдаш, пIагьбарес
ПIапIрус", - иргъулира лехIдеш жаваблис...
Даг чархIевхъунхIели ил дергълизивад.

БебкIибта хIелтахIе къияндешлизир,
Нушала алхунти - саб къараултин...
ВацIализиб зак саб шизибван алки,
Галгубира хьанцIли чедиур тIашти.

Нушаб къушлизибра мер биусири,
Заманара цахIнаб цаван аркьулри...
ЦунухъунхIели наб гьанарар гьаман,
Ну дергълизивадли чархIевхъунсиван.