Узидешла хIябри къанч кахIелтIути,
Чучир гамъабала биса хIергъути,
Диху чили-сари вавни илдачи,
Даимси цIа илаб чебиур алки.

Илаб гьалаб ванза тIашсиван бири,
Гьанна мармар къаркъа тIашли сар илар,
Ца адамла кьисмат ахIенну илаб,
Лерил кьисматуни цааурли сар.

Даимси цIализиб танк саби алки,
Халкьла юртани сар цIали игули,
Игуси Смоленскра, рейхстагра алки,
Солдатунала сар уркIби игули.

ХIябрачиб бисути агу гамъаби,
Ила цIакьтигъунти саби башути,
Узидешла хIябрас кахIелтIа къанчра...
Илизибад лебу гIяхIдеш чисалра?!