Вә ю щиннэ щянзыни ... Тын лў йидў чён!
Нын чүәдуан гуйҗун зыю... Дэ мин бу шонлён!
Ю щин ба вә зэдёчи, ба щегуан гәдуан,
Гуонсы ба бый йин сыщян годи бә бә дын дуан.

Зэ йүн - вә ха динйинни, мынгәр сонлё мын.
Наму сый фан щинфуни, даҗю шонян шын?
Дў зуандо нун щин җунҗян, зыдый чә җи шан...
Гуонсы ба бый йин сыщян годи бә бә дын дуан.

Дуан ба шянзы зыйдёлё, суйбян дё зыю,
Вә жуәчиди да ханлё: - Сын чун! Мәю щю!
Ба вә вэдо ни литу, ян зэ бин фи чүан,
Гуонсы ба бый йин сыщян годи бә бә дын дуан.

Җысы са сычин, дищүн? Бу җё вә, щүдон,
Зэ җян тэёнди гуонлён, ван йүәрди мин гуон?
Ба да щивон быйзуйдё, ба щинҗин җуй йүан,
Гуонсы ба бый йин сыщян годи бә бә дын дуан.