Сизге былайы тюз тюлдю, мында,
Кюртню ызындан кюрт тюшеди, ранда
Ташны таш сюрюб, дагъыда тиед анга таш.
Джанлаб кетерге боллугъед джардан,
Ёзге къайтыу джокъ къыйын тик джолдан
Урушну джолуна болубду ол бек ушаш.

Мында болмагъан бери кёл салмаз.
Джолну къыйынын билмез, сынамаз,
Тюзден узалыб тутса да кёкден чолпанны.
Ондан да бирин мында болгъанны
Кёрмезсе къараб тюзде сен аны
Башха ариулукъ сени кёзюнгю алдамаз.

Къызыл гюлле джокъ, сарын бёлюрге...
Ушамайд ол таш обада белгиге
Сени ёмюрлюкге ахрат бла таныш этген...
Ёмюр от кибик кюндюз от тёгед.
Налмазча джити джылтырай кёрюнед
Ол сен ёрлеелмей, кесича къалыб кетген...

Айта берсинле! Айта барсынла!
Киши бошуна ёлмез, билсинле!
Ичиб ёлгенден такъылды былай ёлмеклик.
Келлик тёлюле сени кёрюрле,
Къалгъан ызынга эс, сагъыш бёлюрле,
Чыгъар аладан сенича таугъа ёрлерик.

Ол чорт къаягъа, гыйы буз тикге
Ышанма артыкъ сен ёрлей мийикге.
Тауда таш, къая да джанга къоркъуу келтиред.
Сингир къоллагъа, хыджы бла джибге
Ышан тенгинге, санынгда хар джикге.
Ётгюр джюрекге къаягъа ёрлеген да нед?

Чыгъабыз ёрге, артха джокъду джол,
Санынг къалтырай тутад аякъ, къол...
Джюрек а чабарчад ёрге чыгъыб кёкрекден.
Тюз къол аяздачад саулай дуния,
Башха да чыгъар дей сакълайды къая,
Кесек зарлана тураса анга джюрекден.