Яр ягъадан, къорув тартгъан Айланмалы тар ёлдан Мен атланы къувулайман, Къамучалап бир къолдан... Ел, чанг,боран чырмап, гьейлер, Битип бара тынышым, Ярдан учсам ярай, воллагь Шулай онгсуз мени ишим Астагъыз, гьей, кюр атларым, Талдым сизин къыздырып, Къамучум сизин уьркютмесин Йылан булан сызгъырып, Тек къутургъан кюр атларым, Оьзюм аста йымшайман Яшав битип, йырым ярты Къалагъангъа ошайман. Атлагъа мен сув берейим, Оьзюм йырлап йиберейим Бир сатыргъа Яллыкъ болсун магъа да Бир мюгьлетге Токътайым яр ягъада Мен оьлермен-чархым боран Чырмап алар чанг булан Чанагъа чалт байлап мени Алып гетер танг булан Яшавумну тартып алып Къойма тура яр ягъа Кюр атларым, аста булан Сиз тюшюгюз ёргъагъа. Астагъыз, гьей, кюр атларым, Талдым сизин къыздырып, Къамучум сизин уьркютмесин Йылан булан сызгъырып, Тек къутургъан кюр атларым, Оьзюм аста йымшайман Яшав битип, йырым ярты Къалагъангъа ошайман. Атгъа мен сув берейим Оьзюм йырлап йиберейм Бир сатыргъа Яллыкъ болсун магъа да Бир мюгьлетге Токътайым яр ягъада... Биз етишдик: къонакъ тюшме Ким гечикген Аллагьгъа - Малайиклер сарнап йылай, Тюшгендей бир балагьгъа, Яда пашман къонгуравлар Токътатдымы тавшалып? Яда оьзюм=кюр ойларым Енге болмай къавшалып? Магъа тюшген не атлардыр Уьйренмеген къыр атлар! Астагъыз, гьей, тор атларым Ярдан учуп гетмегиз! Оьмюр къысгъа, юрек эркин, Алда нече умут бар, Вёрегейсиз, йырым ярты Къалар йимик этмпегиз! Атлагъа мен сув берейим Оьзюм йырлап йиберейим Бир сатыргъа Яллыкъ болсун магъа да Бир мюгьлетге Токътайым яр ягъада...
© Бадрутдин Магьамматов. Таржума, 2015