Гьар саным бир пуржун болуп къысылгъан,
Жаным ишлей мени гьар-бир тюгюмде.
Гьар-бир якъдан уьстюбюзге басылгъан
Гьавчулар кёп, тюнегюндей бугюн де.

Къош тюбекни эки гёзю - бёрюде,
Гёзленген ол тереклени артындан.
Бир къардашым менден бираз ариде
Къарны ичинде горалана сыртындан.

Бёрюлеге гьав юрюле, гьав тюгюл бу - дав,
Орман толуп, агъып геле аччы ит гьаплав.
Она - сёндю гёзню нюрю къарда эленип,
Чюйре айланды яллы бёрю къангъа бёленип.

Эркин жанлар мысгьылланып къалгъанлар,
Рагьмусу ёкь гьавчуланы кьанында.
Торлар салып, бизин нишангъа алгьанлар,
Белгилер бар гьарисини янында.

Бёрю бузмай табиатны законун -
Ана сютюн эркинликде ичебиз.
Эки аякълы бёрюлеге биз бугюн
Тынглап, неге есирликге гёчебиз?!

Бёрюлеге гьав юрюле, гьав тюгюл бу - дав,
Орман толуп, агъып геле аччы ит гьаплав.
Она - сёндю гёзню нюрю къарда эленип,
Чюйре айланды яллы бёрю къангъа бёленип.

- Бутларыбыз, тишлерибиз сав туруи,
Арсланыбыз, айт сен артгьа къарамай,
Тюбеклеге атылмасакъ къутуруп,
Неге бизге гьыздан чыкъма ярамай?!

Бёрю билмей къуйрукъ чалып, къол силлеп,
Арт болжалым етип геле къырсайып.
Она бири, къурбанлыгьым сенсен деп,
Тувра къарап, чакъда магъа иржайып.

Бёрюлеге гьав юрюле, гьав тюгюл бу - дав,
Орман толуп, агъып геле аччы ит гьаплав.
Она - сёндю гёзню нюрю къарда эленип,
Чюйре айланды яллы бёрю къангъа бёленип.

Болагьаны болсун - бирден атылдым -
Гьасиретлик гючлю менде яшавгъа!
Къул болмадым, эркинликге батылдым,
Тек артымдан эшитилди шат къавгъа.

Гьар саным-бир пуржун, тургъан тюк-тюгюм,
Бёрюлени кёклер берген гючю бар.
Тугма сююп юз ярылды, тек бугюн
Бош къайтдылар гьассиленген гьавчулар.

Бёрюлеге гьав юрюле, гьав тюгюл бу - дав,
Орман толуп, агъып геле аччы ит гьаплав.
Она - сёндю гёзню нюрю къарда эленип,
Чюйре айланды яллы бёрю къангъа бёленип.