Инсанар рахазвай, рахазвай, Гьахъвал кIанз рахазвай ажугъдив: "Чун вилик квайбур я, аквазвай, Кьулухъай незва чун басрухди!" Ибуруз лугьузва: "Экъуьгъмир! Куьн чукIукI, куьн ахлад, азизбур. Незвайбур къецяй я, кецягъмир, Куьн, лагь кван, вужар я, винизбур?" Инсанри генани къалзава. Гьахълувал кIанзава факъирриз: "Чун-вилик! Амма куьз гьалзава? Кьулухъай чун незва ягъийри!" Ибуруз лугьузва генани: "Куьн чукIукI, куьн ахлад, кIанибур! Мугьманар рикIелай фенани? Куьн, лагь кван, вужар я вирибур?" Инсанри къалзава, къалзава, Къаних я гьахълувал акунихъ: "Им вуч кар? Чун, вилик квайбур, гьалзава, Кьулухъай незва чун къузгъунри!"
© Мердали Жалилов. Таржума авун, 2014