Пирӹм поктышывлӓ




Хоть кавашты гӹц тӹргӹ, но анзык!
Чӹмем мӹньӹ, а йӓнг лӱдшӹрӓк.
Йӹр ӓренӹт, дӓ выча алтанзык,
Поктат, ваштылын, пичӓл лӹвӓк.

Но тагачы ана мад мӓ иктєр.
Ак цӹтӹрӹ охотникӹн кид.
Ӓрен нӓлӹнӹт, ирӹкӹм циклен,
Тусаралыт, талашыде шит.

Лоэцвлӓ поктат пирӹм пыт, Пыт пирӹм поктат.
Шонгемшӹ патырвлӓм дӓ ышдым игӹм.
Сӹгӹрӓ поктышы, дӓ пивлӓ шамде оптат.
Лым вӹлнӹ вӹр якшарген вилӹн.

 
 
 
 

Пирӹ ак керд вашталтен овуцам,
Изинек, йӓ, шӹшер доно ач,
Тымень шӹнзӹн седок пирӹ цуца:
Ак ли тӹргӓш якшар флагвлӓ гач!

Лоэцвлӓ поктат пирӹм пыт, Пыт пирӹм поктат.
Шонгемшӹ патырвлӓм дӓ ышдым игӹм.
Сӹгӹрӓ поктышы, дӓ пивлӓ шамде оптат.
Лым вӹлнӹ вӹр якшарген вилӹн.

Мӓмнӓн ялна дӓ пӱвлӓнӓ пӹсӹ,
Но келесӹ, вожак, малын вӓл
Луды ара пичӓлӹшкӹ вӹсӓ,
А флажоквлӓжӹ гач акат нӓл!

Пирӹ ак керд дӓ ак шаны цӓкнӓш.
Теве пӹтӓ мӹньӹн жепемӓт.
Выча тӹдӹ, кӱ вӹлк(ӹ) риснялт лӓктӓм,
Йӹрӓлтӓлӹн, рашкалта тӹдӓт.

Лоэцвлӓ поктат пирӹм пыт, Пыт пирӹм поктат.
Шонгемшӹ патырвлӓм дӓ ышдым игӹм.
Сӹгӹрӓ поктышы, дӓ пивлӓ шамде оптат.
Лым вӹлнӹ вӹр якшарген вилӹн.

Уке! Ак ли мӹлӓнемӹш колаш!
Цӓрнем лӱдӓш . дӓ трӱк ӓрӹк гач!
Ӹнде шайылнем сусун мӹнь колам,
Нӹнӹн саслымым, єрӹн тӹргач.

Хоть кавашты гӹц лӓк, но анзык!
Чӹмем мӹньӹ, но йӓнг лӱдшӹрӓк!
Йӹр ӓренӹт, дӓ вычен алтанзык,
Но кодевӹ ородеш нӹнӓт.

Лоэцвлӓ поктат пирӹм пыт, Пыт пирӹм поктат.
Шонгемшӹ патырвлӓм дӓ ышдым игӹм.
Сӹгӹрӓ поктышы, дӓ пивлӓ шамде оптат.
Лым вӹлнӹ вӹр якшарген вилӹн.