Сембе полафневсь мес? Сембе сякокс бта лядсь:
Тага сенем тюссь сяка жа менельть,
Сяка вирсь, сяка кожфсь перьф и сяка жа ляйсь...
Аф мърдась сон най тюремда меле.

Кие эздонк жа ульсь, мон аф сатца ся тевть,
Виде спорямстонк аф кончсезь сельмонь.
Аньцек тяни мон лажадонь тейнза ни пяк,
Мзярда сон аф сась тюремда меле.

Сон сютямкшнесь аф ладс и морть фатнесь аф тактс,
Корхнесь скрось сон илять колга келес,
Удомс ламоксть аф макссь, сон шить мархта снись тнярс,
А исяк аф сась тюремда меле.

Ся, мезь шамомкшневсь перьфсь - аф сянь колга морсь-азкссь,
Козк мон шарьхкодень - сон ашезь пеле...
Тейне прокс вармась яфодсь и толмарть эзк матсь,
Мзярда сон аф сась тюремда меле.

Тячи мяненкшнесь, эхянь пингть пленста тундась,
И мон эльбядезь, сякокс сонь лемдень:
"Ялгай, таргамс весть кадт!" - каршек сетьмось мърдась.
Сон исяк аф сась тюремда меле..

Минь зиянсонк аф кадцамазь кулыхне синць,
Шавфне минь - сембе ваныхне эхянь.
Вирьса ляценкшни, ведьса прокс, менельнять цильфсь,
И эрь шуфтсь ащи валдаза сенем.

Сатнесь тейнек и васта землянкаса прокс,
Шудендсь пингське вдь фкакс ёфси тейнек.
Тяни перьфсь - фкянди най, - аньцек чандакшнян монць -
Тя вдь мон аф сань тюремда меле.