Тейнть тяса аф паксят, Тязк койхне илят, Лов мархне ласькихть Бта пяляскодф ляйхть, И тязк кевпрамать мельге кевпрамась увнай И шять пувордамс, лоткть перьфке шять самс, Но кочксеф пяк стака эрь минь янсь, Сон пельксу эхянь торонь пингть кись най. Тязк кие аф ульсь, прянц рискти аф путсь, Эсь прянц аф варжась и аф мусь, Хуш менельста кунцесь ала аф весть сонць тяштть. Аф васьфтат ала хуш мяльцень кирдьк Эсь сембонь эрязь павазу пингть Аф азомшка мазышить и кемонцекс пяльксть. Аш якстерь панчфт, китькст трауронь эзк, И няемска аф монументкс Ся кевсь ни, кона ваймама тейть казсь. Эрь пингонь ни толкс цитнай шить тозк Фкя изумрудонь эйсь пандть тёкшть Ся, кона тейть стаки аф сатовикс лядсь. И корхнихть ни катк, мле, корхнихть ни катк! Но зря аф имси кивок няк! Парс куломда винас и пси урмас, Илятне ни сайхть, Штоб сатомс пандть, Примайхть вельф рисконь стака канксть, Аф ётаф тонь маршрутцень шумордцазь. Кев перяфксне серихть, тят келепне кургть, Тят васька тязк павазцень лангс, ванфнезь куцьт, И пандса аф кеманат пяльксоц и кевсь, и эйсь, ловсь Най кематама эсь кеме кяттнень лангс, Лезксть ялгать и кячказть лангс шавф лац, Штоб вядьмось аф сязеволь, шарфнесаськ шкайти эсь озксть. Сявфт узерьхне куцемс, аш ётксонк мърдайхть, Пълманжаньке сталмоти сидексть търнайхть, И сединясь анок сонць панда пряв тумс, лиезь налкс. Кядьлапшсонк мирсь сембе, тя павазонь ётксь, Най малостьке сятнонди сявсамань корсь, Илятненди, кинь панда прясна аф сатфт нинге снярс.
© Николай Тюрькин. Ётафтома, 2012