Кьуине хуне
поисты э лов
А гъэришь доръо
э зир чор кулок,

Пенжерой эну
гьеммише торик,
Э гъопу эну
нэвэри килит

Мэ хастэ бирэм эз гурундэрах.
Нэдырэм душмэ, нэофтэм хармах!
Эй мэ дыт жугьоб, мэ огол зэрэм,
А гъэришь хьэёт екиш нэдирэм

Эз мунутигэ
дарафтэм агъад,
Э хунэ торик,
э хори малад,

Пури одоми
пьёни нэ залум,
Екиш эй гуногь
нэдори шолум

Сер гюрдэт уо хун-бесхун сохтэ,
Эз амбар хурдэ дуеки кюштэ,
Аёнмэ нюшты руйбируй дузды,
Эзир стул э дэс тапинже гюрды

Ки жугьоб миду
чу бири халго?
Торики хунэ
тобуто хуно.

Тоушсуз нюштэт,
нэдэри гьово,
Гуит, чу бири
э ишмурово?

Вокурдеи дэр, пахникини дуьль,
Эймэ тикей нуь инджё ки миду?
Ки мисохт герми, ки мидуь шороб?
ГIэжоибэ сэс мэрэ до жугьоб:

Ту бирэй эрах
ингъадэ махал,
Фурмуш сохт, чутам
зиистэни халг,

Эрчирэ хурдэ
нэ вепичирэ,
Рузинэ тоуш
ичь нэвинирэ

Ченгъэдэ мюрды, ченгъэдэ мунды?
Ченгиле гъисмэт туьрэ фурмунды?
Тэйтэ ист моджёл, инджо мипоюм,
Тэй эджель миёв генэш мизиюм

 
 
 
 

 
 
 
 

Мэ гуфтрэм эз у: лап хастэ бирэм
Биё бурам зу, шев нэхисирэ,
Гу эз мэ, эдже офтум инсоно,
Ки зиигэ дуз одоми хуно

Сэс гуфтри эз мэ:
нэварасирэм,
Иджеро миллет
гъич нэвинирэм,

Инджё иловле
хар нэ нимэхур,
Бура гъерогъле,
бош эзинджо дур!