Хеп - хенертен бир - ле эжиң
Эш - даа эвес, кым - даа эвес,
Эки, багай, кандыг дээрзин
Эскербейн барзыңза,

Чалымнарже эдертип ал -
Чааскаандырзын арттырбайн көр!
Чаның орта чаңгыс багга -
Чаңын ынчан көрем.

Дагга эриң шоолуг эвес,
Дораан могап, дезип батса,
Доштуг меңги баскаш,коргуп
Тайгактааш, алгырза -

Чаныңда ол кортук хейни
Чаңчап, кончуп, ойлатпайн көр!
Ындыгларны дагже албас,
Ырга безин кирбес.

А бир эвес човууртавайн,
Арай деп - даа чүткүп орза,
Тептиккештиң кээп ушсуңза,
Сени доза туткаш,

Сээң - биле бедик сүүр черге
Эзирээн дег турар болза,
Сеткилиңден бодуңга дег,
Эжиңге бүзүре!