Шиви холу шак бо черде сирилешкен,
Бо-ла черде куштар хөлзеп, мыжырашкан.
Шидилеп каан аърга-дашта чурттап чор сен,
Моон дезип, ырап чоруур арга-даа чок.

Чодураалар чугган хеп дег хатка кургап,
Чаашкын болуп сирень тоглап турар ыйнаан, -
Шоорлар ойнаан ордудува дөмей-ле мен
Сарыым сени моон алгаш, эккеп аар мен.

Ораныңны шидичилер муң-муң чылда
Делегейден база менден чажырыпкан.
Онза кылдыр хуулдурган бо аъргаңдан сен
Дээре чүве чок деп бодап чурттап чор сен.

Даң бажында бүрүлерге шалың дүшпейн,
Борбак ай-даа дээр-биле бакташкай-ла, -
Далайдыва көрнүп алган бажыңдыва
Моон алгаш, сарыым сени эккеп аар мен.

Кандыг хүнде, кандыг шакта меңээ уткуй
Хоруй аарак, оожум үнүп чедип кээр сен?
Кажан сени кым-даа тыппас орандыва
Холдарымга өрү туткаш, алгаш баар мен?

Байгы күжүм чарыгдааным халас деп бе? -
Сагыжыңга тааржыр болза, оорлаптар мен!
Бажың биле орду шагда ээлиг болза,
Чадырда-даа дываажаңны хүлээп ап көр!