Малы ваньмыз мукет? Котьку кадь ик ваньмыз: Со инбам ик - сыӵе ик чагыр со, Со нюлэс ик, со ву ик, соиз ик омыр... Но тани ож лудысь со ӧз берты... Табере валантэм, кин соку вал шонер - Со ялан монэным споръяське вал. Но валай мон, валай сое ваньзэ туж бер, Куке ни ож лудысь со ӧз берты. Со котьку укылтэм чалмылӥз я кырӟаз. Со ялан мукетсэ бӧтьыртэ вал. Сьӧд ӵукна султыса со монэ сайкатъяз, Нош толон ож лудысь со ӧз берты. Буш луиз шуыса, мон ӧй ӝут вераськон: Мон валай ми соин кык кузя вал... Мон понна сильтӧлэн кадь кысӥз тылдӥськон, Куке ни ож лудысь со ӧз берты. Тулысэд но туэ мозмиськиз кадь пленысь. Шӧдскытэк мон эшлы ӟазыртӥ вал: - Кельты ай кыскыны! - Но мыным - чалмытлык: Ведь толон ож лудысь со ӧз берты. Асьмеды уз, уз куштэ шае кошкемъёс - Вӧзамы сылозы возьмасьёс кадь. Нюлэскын ву вылын кадь адске инбам лыз, Писпуос но лызэсь ик сыло кадь. Милемлы сюй коркан но тырме вал инты, Вакытэз но бызиз кыкмылы ик. Табере нош со ваньмыз мыным огнамлы. Ож лудысь мон ачим, дыр, ӧй берты...
© Петр Захаров. Translation, 2014