Мӗнле ҫурт-ши ҫак?
Путнӑ тӗттӗме.
Витӗр-ашкӑнчӑк
ҫичӗ ҫил ҫинче.

Пӗтӗм кантӑкӗ -
тарӑн вар енне,
Хапхи-алӑкӗ -
иртен ҫул ҫине.

Хӑть эп ыртӑм ытла, - тӑварайрӑм утсе.
Эй, кам пур ҫак ҫуртра? Кӗтсе ил этемле.
Ҫук никам. Мӗлке ҫеҫ сикрӗ ялт! ҫенӗкре.
Ҫахан анчӗ тата, ак, ҫӳлтен ҫӗрелле.

Шала кӗтӗм ҫеҫ,
ӑт - сана хупах:
Кашни виҫҫӗмӗш -
чӑн тӑшман-хурах;

Янахне пӑрӗҫ
кӗтмен хӑнанне!
Кӗтемре йӑлт-веҫ
пӑснӑ Турӑ сӑнне...

Ак, хускалчӗ темле вӑшкӑртса калаҫни;
Ав, нӑйлать кӗтесре юрӑ гитарӑлли;
Тытамак пуль теприн - айванкка вӑр-этем
Ҫеҫҫине чалт! кӑтартрӗ сӗтел айӗнчен...

«Кам калать мана, -
мӗнле ҫурт-ши ку?
Ҫута ҫук курма,
сырса илнӗ мур;

Ҫурта сӳннӗ тем,
сывлӑш ҫук ҫӑтма;
Манса кайрӑр-им
пурӑнма ҫынла?

Алӑксем яриех, чунӑрсем ҫӑрапа...
Кам хуҫа кунта, эх, тултарсам куркана!»
Анчах пулчӗ хурав: «Эс вӑрах, мӗн, ҫулра:
Ҫынсене маннӑ, ав, эпир ӗмӗр - ҫапла!

Курӑкпа пултран -
ӑт, апат пекки;
Чунсенче - пӑтрав,
ӳт ҫинче - шатри;

Эрехпе тата
ӗмӗр ашкӑннӑ;
Ишнӗ кил-ҫурта,
вӑрҫнӑ, ҫакӑннӑ!»

Хӑваларӑм лава, тартӑм кашкӑрсенчен...
Ах, кӑтартӑр мана ҫурта ҫутнӑ пӗр ен,
Ах, кӑтартӑр кӗтес - эп тек шыранине, -
Таса юрӑ илтес, тултарас куркине».

«Ун пек ҫурт ҫинчен
пач илтмен эпир.
Тек мӗн виличчен
тӗттӗмре эпир.

Ӗмӗр пирӗнпе -
пӑшӑлти-хаяр,
Турӑш айӗнче
хӑрӑм витнӗ-тӗр».

Пӑнтӑхран - усал сырнӑ ҫуртран -
Тапса сикрӗм мала, пушӑна пӑрахсах,
Ӑҫта куҫӑм курать, ӑҫта ҫитӗ лав ман,
Ӑҫта кетеҫ мана, ӑҫта пурнӑҫ - ҫынлах!

Мӗн чуль иртрӗ ҫул,
иртрӗ хӗл мӗн чуль,
Кӑнтрӗ-ывӑтрӗ тем -
кӑнтаймарӗ пуль.

Тухрӗ юррӑм, тен,
ман пӗли-пӗлми, -
Хуп-хура куҫсем,
шур сӗтел сарми...