Ӄонмывьенто. Мынгыт кывъав. Агагчавка, ӈыроӄ - ӈыраӄ. Ӄитпувирит, тэӈувик-ым, таӈымԓяв. Энано′мравыԓьын, Инъэ инэнчыкээвыльын, эвыт варкын еп, мыԓяквыргын. Эвыт ярак, ӄарытчат нотайкочак, ӈыроӄ-ӈыраӄ. Тэӈынӈин ӄымԓявыркын. Аԓва имыръэнут. Ӄыкээвыркын торыԓьэты. Ӄонмывьентоԓьа– тыркын. Кытмайӈатгьэ гэмгэнутэк тъычгыргывирус, ӈыроӄ-ӈыраӄ. Ԓывэкатыркын, мыкэтыркын тъыԓыӈон. Эвыт ныруԓигыт - мынмайынԓягыт. Иӈӄун эвнэтъыԓкэ, ӄытъэнэркыниткы увик. Ынӈэ авэтгавка. Ӄывэӄуԓӄив пэӄэттаттагнэты. Ӄыпаатык эӄэчимгъук. Эвыт вэнԓыги нэкэвкиттури, Увик ӄымаԓеркынэткы имырэӄэ, ӄаԓьэӄатыр– кынэтык. Эвыт пэӈъивэти, ӄывакъо - ӄыԓӄут, ӄывакъо - ӄыԓкут. Ӄырым айыԓго мыныԓгын Эйгысӄы - Эмнуӈ нутэнут. Гыттэпыԓьын Иоффе Иквъи: э′ӄимыԓ ынкъам кофе пууръу ринӈыт мԓявык ынкъам атъыԓкэгты. Ванэван мынайыԓгав а′ӄапынԓеты - ыннэнԓеӈкы мынкытгынтат. Эрмэԓтэркын ымы торымгоԓьын. Йыӄай-ым: кытгынтатыльык уйӈэ ы′ттыётԓьат ынкъам пэԓятыԓьыт. Кытгынтат ыннэнԓеӈкы инэнтумгэвыльын.
© Виктория Голбцева + Ирина Гыргольнаут. Translation, 2014