Нажӣвъҷум въуз канда тса сӯд айот,
Аз зиндаги насам ачафъта мот.
Нажъӣвҷум йичидӯмафъ фаслени соланд,
Хушийат хурсанди тса навид му созанд.

Нажӣвъҷум въуз бадбини руйи рост,
Хуши га мис тса кинен тӣрӣнафъ му барост.
Қарор-қарор йи чай хъойд му хатенат,
Аз му зибо му сӣвд тӣрӣн тса чост.

Нажӣвъҷум ар въахт ту гап вид нӣм,
Йо йи чай сӯд ту гаапенард зарвъӣн.
Нажӣвъҷум пофъ тса дъен ту аз зибо,
Йо соф пи наздӣкандафъ аз пиро.

Ғебатат хъуръангези тоғатум байела,
Шакат шубайат одам тса вид дъуруйа.
Ар въахтен рут ди чуд ту ғунҷата тана,
Йо зен сипинху кирандента хъехъа,

Въузум нажӣвъҷ бовари беад хурд тса дъен,
Аз ди пас софафъ аз кор рисен ту тормузен.
Нороатум ринухъч тса судъҷ "номус" мано,
Номус бад тса судъҷ нур, гап дъэд аз ту зибо.

Ар въахт тса въинум въуз вирихътсинен парен,
Нист раам мунди хурдакафъ найат, йи чӣз авен.
Нажӣвъҷум въуз безури йо базури йи чӣз чӣдо,
Лапафъ мурд раам га, аз чормэх чугъҷин Исо.

Въузум нажъивҷ ар въахт тса дъерум хъоҷ въуз,
Бе айб тса дийен, чӣхътовъ навардъӣм въуз.
Нажӣвъҷум въуз тса дедъен му пи ҷӯн,
Баад тӣр аз въига туфен ту ҷӯнанд.

Въузум наживҷ қасренат арсайен,
Въевти милйӯн йи сӯмти бидален.
Ар тсӯндга аз пиро мис навъигарийен,
Въузта ачафъ накинум жъӣвҷ девен.