Эл анураануйэ, хаин чугоон кэбэйнуҥи,
Эдьуут модолоолгэт эл ижулбиэнуйэ мэт тии,
Эл анураануйэ лэбиэн параапэ льэдэгэ,
Оожаанундьэ, йоольаанундьэ хаин.

Эл анураанунну чомон чоммулбэнпэ,
Чомооҕото анньаануйбэнҥин эл биэрии,
Эл анураанунну мэт шурэлэшоол чуҥулбэнпэ,
Хаин мэт йөулугиэлгэн йуөнуҥа аҕии.

Эл анураанунну чумуткэт эймундэ аалоолпэги,
Эл анураанунну, хаин, мэт эл лэйдисьоон, йоҕоҥин айиинуҥа,
Хаин мэ анньэлгэлэ шобольэшнуҥа,
Хаин айиинуҥа, мэт ньаасьэ йуөт эйтаат.

Мэт парчаҕоол мэ таат эл анураанунну,
Хаин кэлидьэ титэ уйҥи, шомо анньэриит,
Хаин мэтин эрчоонгэлэ аҕидьэдэ мэ аануҥи,
Лудул стеклогэн чаҕитэт.

Эл анураануйэ йубогойоонпэ модолоолпэги,
Эдуөнгэт омосьоон - кэбэйт эл мододин,
Досадноҥоой, ниҥиэдэ омосьоонпэ эльидьоопэги,
Идьии эдуөнгэт омосьоон - холлуйдэ анньэрил.

Хаин мэт йуөнундьэ шэльгой пиириидамунпэ,
Эл йоульэтльэнундьэ тамунпэ боусьэ мэт,
Эл анураануйэ айууйил таат албоожиил,
Христос орполбэн кресткэ йоульэтльэт.

Эл анураануйэ, хаин мэт саам иҥиинундьэ,
Хаин коудиэнуҥи, айууйидэ мэ таат,
Эл анураануйэ, хаин ниҥиэ молҕин амлуйииҥи,
Мулльэ пэйжиинудэ, кудиэнудэ эл таат.

Эл анураануйэ манежпэ, айи аренапул:
Таа миллионгэн рубль кэйҥитэм тэтин.
Таат хуш чомооодьэ йиэнбэн кэлгэн йиэндьэгэ,
Эл анурэт эдуөн мэт ньэхаин.