Nad gowom dwiesta metrów ziemi mom.
Na grubie świątek-piątek jest robota.
Hajery cheba z innej planety som,
że dziennie tak się pchajom w te czorne wrota.

Sam kożdy z nos jest kto? Czarodziej jest!
Że z piekła wągiel biere choby gupi.
Te, dzioboł, sie weznymy - łaski bez.
Ty sie paliwo możesz kaj indziej kupić!

Przeca nic na przeciw mo dobry Bóg,
że bierymy na wierch zaś wągla cug.

Som kożdy choby dzioboł mo czorny pysk.
A jakby cug był próżny by nos wyciepli.
Bebechy matki-Ziemi ściorali my,
Ale na wierchu zimom jest trocha cieplij.

A wagoniki robiom wesoły pisk,
śmigają choby w filmie o pogoniach.
Ten wic, że „wągiel daje komuś zysk”
Wypisoł się nom fest na czornych dłoniach.

Przeca nic na przeciw mo dobry Bóg,
że bierymy na wierch zaś wągla cug.