Który to roz już jada do Cieszyna -
Nie jedzie ten pierzyński Pakaes.
Z głośników dziołcha godo, że to jest pogody wina
Bo zaś na trasie zaspów pełno jest.

Nad Suwałkami słońce, stopnioł lód,
No cheba jutro na Mazury rusza.
Jest PKS na Berlin - Alles gut!
Na Gdynia tyż, ale jo tam nie musza.

A głośnik pedzioł jakoś tak marudnie:
Nie ma co liczyć, że się zmieni front.
I zaś nie podstawiajom PKS-a na południe -
Bo jest gołoledź i kierowców bunt.

No a w Olsztynie spłynął cołki śnieg,
I czemu mom nie jechać do Olsztyna?
W Hajnówce był już pierwszy przebiśnieg,
Tam żubry som - jo musza do Cieszyna.

Jo słysza - warszawiaki odjeżdżajom!
A jo na Cieszyn musza chycić coś,
Jo musza jechać tam, kaj nic nie podstawiajom
I bez to czekom tukej jak ten łoś.

Jo musza, kaj zaspy takie, że strach,
Kaj jutro śniegu zaś po pas napado.
A tam, kaj plaża i gorący piach,
Tam fajnie jest, no ale tam nie jada!

Zaś zamieć jest i Pekaes mo pecha,
Coś jest nie tak, se myśla, słysza głos -
Z głośników dziołszka godo: Coś mo jechać!
A zgrzipi - mo zatkany cheba nos.

Puszczajom kurs na północ, aż na Hel,
Mnie tam nie skuszą nawet i pieniądze.
Zaroz na Szczecin ruszo stary Jelcz,
Na Poznań tyż - mie nie jest tam po drodze.

Kiedyś pogoda przidzie i śnieg przestanie padać.
Stary bus grzeje silnik, cheba kajś jechać mo.
A jo już w nic nie wierza - i nikaj nie pojada,
Zaś znajdom sie powodów różnych sto.

Jo musza, kaj gołoledź jest i mróz,
Kaj jutro mo - godajom - być śnieżyca.
A już do Łodzi jedzie stary bus,
Durch licza, że na Cieszyn busa chyca!

Chobyś na głowie stowoł, na Cieszyn jest dziś szlaban,
I w poczekalni czekom jak tyn pies.
Zaś zgrzipi ta zakatarzono baba
Nam godo: Cieszyn odwołany jest.

Juzaś do ósmej odwołany bus,
I wszyscy na bagaże spać się kładom.
I chociaż do Cieszyna miołech mus,
Jo jada tam, kaj autobusy jadom!