Ихьды кIапIал вийъий бала маIхкемды,
Амаа са хыли-йыгъ выдж саъ китIихь гьад -
За йыгыр гьад, рухьура хыдиймашде:
"Захьван йиркьыд йиъи,кьабыл гьаъ бербад!"

Люъун-рагъын, гъам йишир ай сухьрудис,
Кьабыл гьыъыр ай, алчах,бегьем шу кал.
Джу, хьуйне, е маса дывыр закундис, -
Лука гьыъыри йигитешды хал.

Суд йикIиы гъадиш, задаа зы сугур ай,
Эдири е, сыр калды са барака.
Виригъ гъад йыгъ ес зулмутды сукур ай,
Задады вишири кIапIлас маIгьрака.

За зы ухуIси, гъаъ хъыхьын бадана,
Алчахад фикир виъи е дыркьын.
Зы гъаъ хъуIгъуIси гьад йикьин бадана,
Изды бырдж йиъи-сыр джыъыр хьуъ хаагъун!

Са йыгъ суд викиси ихьды хылид,
За гьухьуси, йикI йикI ихласна, шубаIшде:
"Зы йиъи,выйхьды кьулу алчах сагъуд,
Гьанийды джандак за выси лыкьаIшде!