Са музыкантара гьухьур а, камды, -
Гьамыъ гитарадид девир лаабтIур а.
Гьамыъ выйхьды гитарадид еринды,
Синтезатор, тукад тIампIул йибкьыр а!

Амаа гитарадис,
Гьеч гихъивхьис йыгардиш:
Ваз гъад выше гьадис -
НаIгьни джыъыр кеф кидиш:
Ювды сесехьван,
Гымышед синирмыхьван!

НаънахаIн зас ун йишири бульвара:
НаIгьни гьара ай бытIрад сес ана, -
Амаа хъацыд, кьыIчи виъий гитара,
Хъуна валгас делид наIгьни бадана.

Амаа гитарадис,
Гьеч гихъивхьис йыгардиш,
Ваз гъад выше гьадис -
НаIгьни джыъыр, кеф кидиш:
Ювды сесехьван,
Гымышед синирмыхьван!

Синтезатор захьван ара хипхьурдиш,
Мадды йыкьаси, джуды наIгьни хана,
Амаа зы на гитара хъуIдгъуIсды диш,
Ана дикиси наIгьнибыр гьаъхара!

Амаа гитарадис,
Гьеч гихъивхьис йыгардиш,
Ваз гъад выше гьадис -
НаIгьни джыъыр, кеф кидиш:
Ювды сесехьван,
Гымышед синирмыхьван!