Эгер хыди йишихьуна,
Не хыди, не душман-гада,
Эгер джишихьуна кееръес,
Йыхды йиъиме, писды-гъаъ ес, -

Гырга вахьван банаа-сываа,
Самалыт гьад гьеч текене:
Вахьван киртIаъ кытIадихьван,
Эли гьацIыси, ади вахьван.

Эгер гьад банымыд дух диш,
Гакъыд минийды кар гъадиш,
Мыкыры гъад гъил кьалкьара,
Кьалкьара, лал ваъара, -

Йиширдиш вас гьад юлдаш,
Бегеде маъ, диш вас сирдаш:
Лаъ гьабыр гьеч дыгыргад диш,
Миди ки са карбыр диш.

Эгер джешир маIхкам йиъи,
ХъаIл гъа, амаа джыбра йиъи,
Сада хьур вы лечIирхъыр ай,
Гъыл йыхыIр кытI хакьыр ай,

Вахьван дженге кал гьад йиъий,
Банад тIуьнтIий гъилыхда гий,
Гыргаъ вахьван къайима, лаъ,
Гьанийы умуд ваъ!