Къуват хъундай зун гьишай!
Амма йага - накьра суман,
Гьар багухъас чин гьикай а -
- Хъихьина а загълум душман.

ЙархIай а чес туфангари.
Жин хуна а гIурчахъанар.
Жагвар ибхьил ругъе хIучар -
- Жан алейде ишандикар.

ГIурч атай а - фатахъай а
Парса хIучар, хIучан чарквар.
Жагвар ибхьил иъ лабай а,
Иин хьуна а пайдахар.

Тиребилас чин дири э!
Йа КIилин ХIуч, тин зус жуваб:
Хьин гъажали фас вейеф э?
Нанди а хье хIучан жинаб?

Хьеш акьай а дадан гIадат.
Амма хье вахт хьуна а тарг.
Зус агвай а: гIурчахъанди
Гъадивай а азман туфанг.

ГIурч атай а - фатахъай а
Парса хIучар, хIучан чарквар.
Жагвар ибхьил иъ лабай а,
Иин хьуна а пайдахар.

ХIучарикъай чIре девгIи
Инсанари акай а гьел.
Пайдахари ачикуна,
Фаттатай а гуллайрин свел.

ХIучарихъ хъа чиппин гъадат.
ХIуча, чарквар вардиш акьай,
ИцIайефи са насигIат:
"Пайдахилас гъузе вархай".

ГIурч атай а - фатахъай а
Парса хIучар, хIучан чарквар.
Жагвар ибхьил иъ лабай а,
Иин хьуна а пайдахар.

Амма йагъа - гIакве дуйи
Латтишина пайдахилас,
Гьишини зун, тIурфан суман,
Жигерари дивай нафас.

Гьишай а зун къуват къундай,
Атай къабахъ кIаре йагъар.
Чиппин ире пайдахар фай
Илгуни гьел дарагъчийар.

ГIурч атай а - фатахъай а
Парса хIучар, хIучан чарквар.
Жагвар ибхьил иъ лабай а,
Иин хьуна а пайдахар.