Quien dixe: «Todo stá queimado!
Subre l suolo balerá derramar la semiente?»
La Tierra muorta, terá alguien preguntado?
Nó! Eilha sconde-se ne l tiempo drumente.

La mai natureza cuntinará a dar bida,
Nun será sbaziado to l mar.
Quien acraditaba que la Tierra fui queimada?
Nó! Solo negro de tristeza, l lhar.

Trincheiras cabadas cumo cortes perfundos,
Sangran an abundáncia las feridas,
Nerbos de la Tierra spostos, eimundos,
Penas d’outro mundo sentidas.

Bai aguantar mágoa tanta.
Nun screbales que la Tierra seia aleijada!
Quien dixe que la Tierra nun canta,
Qu’eilha para siempre quedou calhada?

Nó! Eilha canta anéis pula serra,
Mesmo culas feridas abiertas.
La nuossa alma, ye la Tierra,
I l’alma nun será atropelada pulas botas!

Quien acraditaba que la Tierra fui queimada?
Nó! Solo negro de tristeza, l lhar.