Сҳапакувык, матҳинақ пинақутын: аґвыґуқ,
Йықай тана аґвыкшак, наґаґақуқ-тукаґақуқ,
Югым хина-ңам пилгуқ ийыгның
ынкам сямың алъяңуқутңалґимың.

Алъя сигун, қанық ынкам қыңақ
Алъяҳинат нуят
Аглюк - сялгўак? - икнамың, налъыкысюгнимың?
Атхўай! Алъя қагуқ таўантақуқ,
Натылңуқ? Тамана сҳақун:
сыґлыҳқыхкам пика ынтақун.

Тыґиңьюкигатаҳпут юк сыґлыҳқылъыґми
Туқусимат аґвыкшык, аґвық нунакиңигатуқ.
Ухпыґыҳпынаң, лъңа ныҳсягунґитуқ,
Сҳапаху, ляңытақ лъңа калңагуқ.

Сҳа тана насқуқ нутаґанґилңуқ.
Ынмис нуйиґлюни аюқуқ...
Ипапик, лъңа тыґлястун гнаңилңуқ
Хина-ми лъңан -
Сигутык насқулык,
Сюмыґныґилңуґмың.

Матын хўа утыґмун хўаңа сҳамаңа
Югыт хинит қамахлъюки нықаңуманка
Нықаманка ийыт, тамаҳан сҳалъық,
Хўаңа итагнатун пиқсяҳтуңа кияҳнъыґмың.

Сҳаманка алъяҳинат қынат,
Уңагилңут, уңахтуқат, улъюңат,
қызит, уяқут - лъяңақа-қун пиниҳтут;
Қиляги қанґыт сяма-лъю улют,
Хутыт тулюґьяхтун аюқылґит, -
Нақам қиңсируґлютың сҳапагақылґит.

Иўырңа такут нака хинит
Иляма пиниқумтама,
Иўын таўатыскан кияґнықа
Музейымун сяңўа туюҳлъықақа.

Юга музеям ўамтили:
«Қанық-ңуқ сҳапагнагуқ,
Икнакылґим югым тамлюңа-ңуқ квадратысюгнилңуқ...»
Нака, кияґныґунґилңуқ тамана,
Нака, ипапигунґилңуқ тамана,
Масисю-ңам уңуванґилңуқ.

Нақам юган музеям уңипақлъики
Ныґиқулъят хинит Германиямың, Римымың, -
Налъюка там югым: хинақ пилгуқ ийыгның
ынкам сямың алъяңуқутңалґимың.