Метте босо, хъуьн со, хъIвеннин мецIцIеллит АссатIу Ньошоьр ви марлъли аркIурши. Гьил аьх кертIу даки, ваьлхъи гуьркъаьрши, Ижалллин хIикмат кор, кIварши, кIварши ви. ОкIур касу, ноьшор, бонис окIур ка! Къамарттуб марлъиттик жвен ой арчирги! Хоьнниб барттиб ноьшор квашулена эз ГIуммурлис лъе евтти, хабус эвххотIу. Зари цIохъи ньошор! Зари лагум хабовхъи! Ос мугьлат меттелин ссобтта усттихъи. Кураш цал лъвана зон гьавалуххихъи, Чанагълит, марххалит, диттов укихъи, ОкIур галилиттик квеккир ис ноьшор. ТIинна лаха бетльен ахирнокьак деькъ, ОкIур каре, ношьор, тIиннов окIур ка. Марлъу малъаву веж ятбитттиб тIона. Хоьнниб барттиб гьани квашуттиб ноьшор ГIумурлин ихъ сотIу, хаботIу шигIру. Зари цIохъи ньошор, Зари лагум хабовхъи, Ос мугьлат меттелин ссобтта усттихъи. Гьалмурак ххеьлемен лъекумммул итIу. ЧIищттен ххоьнкул гьани теник харттимен Малаиктили теб? Занглин эьмтIири? Ноьшор окIур арттут ис къигътIичугу? ОкIур каре, ноьшор, бонис окIур ка! Миннат гьеьрщуьрмухут парххардигису. Хоьнниб барттиб ноьшор квашулена эз, ГIуммур даьзшебххутIу, ос хабуссенут... Зари цIохъи ньошор, Зари лагум хабовхъи, Ос мугьлат меттелин ссобтта усттихъи.
© Магомедхан Магомедханов. Translation, 2015