Тэчиза хин, тэчиза хин
Сояма дя хоз
Сизна дёгодэ каӈа камоз
Тоз чики Минск, тоз чики Брест
Тэчиза хин, тэчиза хин...

Онсэхо, онсэхо
Керна мога дя хаз
Сизна кудахай катуӈа дя
Мамби, тонын сойзата
Онсэхо, онсэхо...

Кунь модьна мякон дюба ни эз
Ни тоори пери
Наби дязтаа модьнона ань наби каса
Мамби, нонэна маю кодат,
Мамби ань нонэду - дюбараха...

Кунь тоз ни эз нонэна
Сойза кутуйхон,
Пурзы тоомбе керна мякуна.
Кунын эбута модинь позсей?
Энзай - экон, энзай - тонын...